Ҳукумат комиссияси 5 июлдан 14 кун муддатга «эпидемиологик вазиятни барқарорлаштириш» чоралари жорий этилишини тасдиқлади, унга кўра оммавий тадбирлар тақиқланади ва кўчаларда, парк ва хиёбонларда уч кишидан ортиқ гуруларнинг ҳаракатланиши чекланади.
Кўрилиши кутилаётган чораларнинг деталлари ҳақида комиссиянинг 2 июл кунги мажлисида Қозоғистон соғлиқни сақлаш вазири Алексей Цой атрофлича маълум қилди.
Кўриладиган чораларга биноан минтақалараро йўловчи транспорти ҳаракати тўхтатилади, транспорт фаолияти вақтига қараб чекланади. Минтақалар ўртасидаги авиақатновлар ва темирйўл қатновлари, “чекловлар билан” сақлаб қолинади, шунингдек мамлакатлар рўйхати кўпайтирилмаган ҳолда халқаро авиақатновлар ҳам сақлаб қолинади.
Қозоғистон бош вазири Аскар Мамин ўз баёнотида таклиф қилинаётган чеклов чоралари “мамлакатдаги эпидемилогик вазиятнинг ривожланишига қараб” ё кескинлаштирилиши, ё узайтирилиши мумкинлигини таъкидлади.
Гўзаллик салонлари, сартарошхоналар, фитнес-марказлар, бассейн ва аквапарклар, ёпиқ бозорлар (озиқ овқат ва ноозиқ овқат бозорлар), маданият объектлари, диний объектларининг фаолияти тақиқланади. Рўйхат тўлалигича Қозоғистон бош вазири сайтида эълон қилинди.
Ташкилотларга ходимларнинг камида 80 фоизини масофадан ишлашини таъминлашлари юклатилди.
Тиббиёт марказларига аввалдан ёзилган ҳолда ташриф буюриш мумкин. Дорихоналар,озиқ-овқат дўконлари, шунингдек очиқ ҳаводаги бозорлар ишлашда давом этаверади.
Санитар-дезинфекция режими кучайтирилган ҳолда ва чекланган даражада кафе и ресторанларнинг ёзги майдонлари, йирик қурилиш, саноат корхоналари, хизмат кўрсатиш объектлари, жумладан автомобилларни ювиш хизматлари, шунингдек, аҳолига хизмат кўрсатиш марказлари, тижорат банклари ишлайверади.
Май ойида Фавқулотда ҳолат режими бекор қилинганидан сўнг COVID-19 га чалинувчилар сони бирданига ошиб кетди, айрим экспертларнинг фикрича, ФҲ режими чуқур иқтисодий инқирозга сабаб бўладиган эпидемиологик вазият ҳисобга олинмаган ҳолда бекор қилинган.
Қозоғистонда касалликка чалинганлар сони 42,5 мингдан ошиб кетди. Куни кеча бир ярим минг кишининг касалликка чалингани аниқланди. 14 минга яқин киши соғайиб кетди, COVID-19 туфайли 188 нафар бемор вафот этди.
